Boom Matemático

Recursos AulaPT
#boommatemático

O xogo de hoxe está destinado ao alumnado de 3° e 4° de primaria. Trátase do boom matemático de aulapt.org, inspirado noutro coñecido programa televisivo. Con este xogo repasamos conceptos matemáticos de forma lúdica. Hai varias opcións e sólo unha é correcta, se a adiviñas pasarás á seguinte pregunta e se é incorrecta a bomba estoupará.

Ánimo e a probar sorte!

BOOM MATEMÁTICO

Pasapalabra 2

Recursos AulaPT
#pasapalabra2

Hoxe comparto con vós outro Pasapalabra, creado por @my_learning_place. Tedes que completar as letras do rosco e para elo ofrécese unha opción correcta e outra incorrecta. O xogo ten preguntas de diferentes asignaturas, así melloraredes o vocabulario en varios campos de coñecemento. 

Ánimo e espero que consigades completar o rosco enteiro!

PASAPALABRA 2

A Asamblea de Infantil

Recursos AulaPT
#asambleainfantil

Bos días!

Hoxe comparto con tod@s vós este magnífico xogo interactivo de veronicaseot.pt, para que poidades realizar a asamblea dende a casa cos peques de infantil.

É moi interesante, xa que en cada pantalla vanse traballando diferentes conceptos como os días da semana, os meses do ano, o tempo atmosférico, as estacións do ano, o abecedario, os números e as figuras xeométricas, acampañados de divertidos vídeos musicais.

Anímovos a traballar a asamblea con este divertido xogo!!

A ASAMBLEA

A súper ruleta de lingua

Recursos AulaPT
#ruletadelingua

Que tal estades?

Animádesvos a xogar á súper ruleta de lingua? É moi sinxelo e divertido! Este xogo tamén está inspirado noutro programa televisivo moi coñecido, chamado "A ruleta da sorte", e está publicado por Orientación Andújar, de @my_learning_place. Para iniciar a partida só tedes que pulsar no debuxo da man para facer xirar a ruleta. Por cada acerto iredes conseguido puntos. 

Con este xogo repasaredes contidos de lingua de 2°, 3° e 4° de primaria.

A xirar a ruleta!

A SÚPER RULETA DE LINGUA

Xogo táboas de multiplicar

Recursos AulaPT
#táboas de multiplicar
#agoracaio

Bos días chic@s!!

Continuamos cos xogos interactivos para aprender de forma divertida. Esta vez imos practicar as táboas de multiplicar con este divertido xogo inspirado no concurso televisivo "Agora caio", publicado por Orientación Andújar, de @my_learning_place.  O xogo consiste en resolver as multiplicacións e para elo ofrécense tres respostas posibles. Dúas son incorrectas e unha correcta. Se elixides ben pasades á seguinte multiplicación, pero si elixides mal caeredes pola trampilla. Así que xa sabedes, prestade atención e chegaredes á final.

AGORA CAIO - TÁBOAS DE MULTIPLICAR 

As cancións dos animais

Recursos AulaPT
#canciónanimais
Creado por Mari Aula_PT

Apetécevos escoitar e cantar unhas cancións?

Hoxe comparto con vós este xogo que creei para traballar as cancións dos animais. É moi divertido, só tedes que facer click enriba de cada un dos títulos da canción que queredes escoitar. Hai varias e todas en lingua galega, relacionadas coa temática dos animais

Disfrutade das cancións e a divertirse!

A canción dos animais por Mari Aula_PT

A granxa matemática

Recursos AulaPT
#agranxamatemática
Creado por Mari_AulaPT

Hoxe imos practicar as sumas, as restas e as multiplicacións de forma divertida!

O xogo que vos propoño de vedoque.com é "A granxa matemática", para mellorar o cálculo mental, xogando cos animais da granxa e con distintos niveis de dificultade.

Ánimo e a por todas!!

A granxa matemática

Pasapalabra 1

Recursos AulaPT
#pasapalabra
Creado por Mari_AulaPT

O xogo de hoxe é o Pasapalabra, para nen@s de terceiro e cuarto de primaria. Trátase da ruleta das palabras da editorial Anaya, para traballar o vocabulario. Consta de 27 definicións, para as 27 letras do abecedario español. Pódese xogar de forma individual ou contra outros xogadores.

Moita sorte!

PASAPALABRA

Adiviña quen é quen

Recursos Aula PT
#adiviñaquenéquen

Boas tardes chic@s!
Queredes xogar a adiviñar que mestra ou mestre se corresponde coa foto de cando era nen@?
Pois aquí vos deixo este xogo ben divertido, creado polo profe de educación física do noso cole.
Animádesvos a xogar?
Pois adiante!

Acertastes moitos? Coido que si! 👩‍🏫👧👨‍🏫👦

Día Internacional dos Museos

Recursos AulaPT       

#díadosmuseos
Creado por Mari_AulaPT

Hoxe, 18 de Maio, é o Día Internacional dos Museos.
Para celebralo comparto con vós este conto que se titula " O museo de Carlota" de James Mayhew.
No conto, unha nena chamada Carlota, visita por primeira vez un museo coa súa avoa. A Carlota non lle gustaban as multitudes, polo que foi a unha sala vacía. Ao ver todos os cadros na galería, sentiuse atraída por eles e quixo tocalos.  De súpeto, introdúcese neles para vivir moitas aventuras.
Este libro, ilustrado con algunhas das máis famosas pinturas da National Gallery de Londres, permite ensinar ás nenas e nenos, a través da protagonista do conto, os encantos dun museo, as riquezas que nel se atopan e o divertido que resulta a súa visita.

El museo de Carlota

Día das Letras Galegas

Recursos Aula PT            

#díadasletrasgalegas
Creado por Mari_AulaPT

Hoxe celebramos o Día das Letras Galegas. 
Este ano o autor homenaxeado é Ricardo Carvalho Calero.
A súa obra infantil máis coñecida é o conto "As pitas baixo a choiva", no que se conta unha anécdota que lle pasou ao autor cando era neno.
No conto comeza a chover e o neno ve dende a fiestra da casa como as pitas estanse mollando. El intenta que entren no galiñeiro, pero elas asústanse. Ao final todos os membros da familia acaban mollados como pitos.
É unha historia divertida que podedes ver e escoitar no seguinte vídeoconto. Tamén vos deixo o libro en formato issuu da Editorial Embora.

As pitas baixo a choiva de Ricardo Carvalho Calero

Feliz día das Letras Galegas

Labirintos

Recursos AulaPT        

#retonúmero5
Creado por Mari_AulaPT

RETO NÚMERO 5: LABIRINTOS
O reto de hoxe é moi sinxelo pero aporta moitos beneficios ás nenas e nenos. Trátase de resolver labirintos infantís, aos que se lle pode sacar o máximo proveito, xa que se poden facer de varias maneiras para seguir o camiño que nos leva á meta. Unha forma divertida é empregando boliñas de plastilina ou algún alimento como macarróns, garavanzos ou lentellas.  
Este xogo favorece a estimulación da orientación espacial, fomenta a atención e concentración, mellora a capacidade de resolver problemas e aumenta a confianza nun mesmo ao ser capaces de resolver retos propostos.
Aquí tedes algúns exemplos.
Pincha aquí para descargar os labirintos de edufichas.com

Sudokus

Recursos Aula PT         

#retonúmero4
Creado por Mari_AulaPT

RETO NÚMERO 4: SUDOKUS
O reto de hoxe consiste en resolver estes divertidos sudokus infantís de actividadesinfantileprimaria.com, coa temática dos animais. Esta colección de sudokus permite que os máis pequenos se divirtan, ao mesmo tempo que traballan a atención e a orientación espacial.
Trátase dun pasatempo entretido que potencia a estimulación cognitiva das rapazas e rapaces, ademais é unha actividade manipulativa que favorece a destreza óculo-manual.
Imos aló!
Pincha aquí para descargar a colección de sudokus. Aquí tedes algúns exemplos.

Dados silábicos

Recursos Aula PT           

 #retonúmero3
Creado por Mari_AulaPT

RETO NÚMERO 3: DADOS SILÁBICOS
Imos a polo seguinte reto para @s máis pequen@s, co que podemos traballar as sílabas, as palabras e ampliar vocabulario.
O xogo consiste en tirar os dados e compoñer o maior número de palabras que se poida, coas sílabas que vaian saíndo.
Ánimo que seguro que vos saen palabras moi divertidas!
Pincha en cada imaxe para descargar as plantillas dos dados e así poderedes construilos vós mesmos.
É unha actividade manual moi sinxela e entretida que nos ofrece a web imageneseducativas.com.

Dominós

Recursos Aula PT          

#retonúmero2
Creado por Mari_AulaPT

RETO N° 2: DOMINÓ
Hoxe tráiovos este dominó de entretea.com
Para comezar a xogar ao dominó eliximos un taboleiro e seleccionamos as pezas que encaixen (en cada taboleiro hai 5 pezas que son fixas e 5 que se separan). Sempre hai que fixarse nos debuxos das fichas, para facelos encaixar. Os debuxos son moi útiles para traballar o vocabulario. Tamén traballamos a atención e a discriminación visual.
Seguro que vos quedan moi chulos os dominós!

Pincha aquí para descargar os taboleiros.

Palabras encadeadas

Recursos Aula PT        

#retonúmero1
Creado por Mari_AulaPT

Que tal chic@s!

Esta semana propóñovos un reto para @s máis pequeniñ@s.

En que consiste o reto?

Cada día da semana irei subindo un xogo diferente

(dominó, oca, labirintos, etc) que podedes imprimir e elaborar para poder xogar cando queirades.

É moi divertido e ten moitos beneficios, xa que mellora a creatividade, a motricidade fina, a atención, a memoria, entre outros moitos.

Ánimo e a polo reto número 1.

RETO N° 1: PALABRAS ENCADEADAS

Cada ruleta (de Orientación Andújar) contén seis palabras, que debedes colocar encadeando a última sílaba dunha palabra  coa primeira sílaba da seguinte. Ao ter forma circular, podedes comezar pola palabra que queirades. Ademais podedes empregar os debuxos para encadear todas as palabras posibles sen necesidade de utilizar a ruleta.

Pincha aquí para descargar as ruletas e comezar a xogar.

Xogos educativos para aprender a ler

Recursos Aula PT
#euquedonacasa
Creado por Mari_AulaPT

Bos días a tod@s!

Hoxe tráiovos estes xogos interactivos de varios niveis, de vedoque.com, como apoio á aprendizaxe da lectura.

Aprende a ler con Vedoque

Xogos educativos de matemáticas

Recursos Aula PT
#euquedonacasa
Creado por Mari_AulaPT

Que tal chic@s!

Imos repasar matemáticas de forma divertida!

Aquí tedes uns xogos educativos de vedoque.com para diferentes niveis, cos que podedes aprender xogando.

Suma 10 no país dos números, supera retos e sigue avanzando.

Táboas de multiplicar, para aprender, repasar e xogar.

Pentominós, xoga cos puzzles e forma pentominós, figuras de cinco cadrados unidos.

Comprensión lectora 4° de primaria

Recursos Aula PT       

#euquedonacasa
Creado por Mari_AulaPT

Estas lecturas que vos presento hoxe da webdelmaestro.com van destinadas ao alumnado de 4° curso de primaria. Son lecturas con exercicios que permiten mellorar a comprensión e a habilidade lectora.
Pincha en cada título para descargar as lecturas completas e as correspondentes preguntas.

                                      Hojitas                                         

Las tortugas marinas

La fuente gris

Un día en el bosque