Comprensión lectora 3° de primaria

Recursos Aula PT        

#euquedonacasa
Creado por Mari_AulaPT

Bos días chic@s!

Continuamos coas lecturas para mellorar a competencia lectora, con estas fichas de webdelmaestro.com, para terceiro curso de primaria. Son lecturas cortas, relacionadas coa temática dos piratas, para descubrir un pouco máis as súas historias.

Pincha no título para descargalas.

Lecturas para 3° curso:

Piratas: ¡Al abordaje!

Los corsarios 

Orientarse por el día

Orientarse por la noche

Canción e conto de Cocorico

Recursos Aula PT                

#euquedonacasa
Creado por Mari Aula PT

Apetécevos escoitar unha canción?
Pois hoxe traio para os máis pequeniños a canción de Cocorico, que é un poliño que vive feliz coa sua nai. Un día Mamá Galiña quere facer un biscoito e o poliño, para axudar a preparalo, sae da casa a buscar leña. De súpeto, aparece un gato enorme que o quere comer, pero Cocorico consegue fuxir, prometendo que lle daría a metade do biscoito.

Queredes saber cómo remata o conto?

Aquí déixovos a canción e o conto de Cocorico.

Canción de Cocorico

Conto de Cocorico

Espero que vos guste!

Lecturas de comprensión lectora 1° e 2° curso

Recursos Aula PT     

#euquedonacasa
Creado Aula_PT

Ola chic@s!

Aquí tedes unha colección de fichas para mellorar a comprensión lectora, son moi divertidas e podedes colorealas. Están dirixidas a nenas e nenos de primeiro e segundo curso de primaria.

1. Fichas para mellorar a comprensión lectora.

Pincha aquí ou na imaxe para descargar as fichas.

2. El duende que vivía en la luna.

3. Las zapatillas rojas.

Feliz lectura!!

Exercicios de estimulación cognitiva

Recursos Aula PT
#euquedonacasa
Creado por Mari_AulaPT

Boas tardes!

Hoxe preséntovos este material de edufichas.com para traballar capacidades como a atención, a percepción e a memoria, tanto para educación infantil como primaria.

Educación Infantil

Caderno de estimulación cognitiva, para mellorar a memoria, con exercicios para unir parellas e xogos de memoria con tarxetas, para xogar ao "memory".
Pincha aquí ou na imaxe para descargar o caderno.

Caderno de estimulación cognitiva, para mellorar a atención.

Pincha aquí ou na imaxe para descargar o caderno.

Fichas de percepción visual con cores, para unir as figuras que son iguais.
Pincha en cada imaxe para descargar as fichas.

Educación primaria

 Pentominós
Os pentominós son figuras xeométricas creadas  a partir de cinco cadrados idénticos, unidos polos lados.  Hai 12 formas diferentes ou pentominós, e cada un deles ten o nome dunha letra do abecedario. Emprégase como xogo de quebracabezas.

Déixovos varias fichas para mellorar a atención, a percepción visual e o razoamento lóxico. Estes exercicios consisten en colorear as figuras de tal forma que as pezas encaixen, para formar os pentominós.

Pincha en cada imaxe para descargar as fichas.

Ánimo que é moi entretido!

Conto "El monstruo de colores"

Recursos Aula PT
#euquedonacasa
Creado por Mari_AulaPT

Bos días!

Seguro que xa coñecedes o libro "El monstruo de colores" de Anna Llenas, que nos transporta á fascinante linguaxe das emocións.

Pois hoxe tráiovos un audioconto coa adaptación do libro, onde se lles explica aos máis pequenos as emocións que lles pode estar creando a situación que estamos vivindo.

A través de voces infantís, este audioconto anímaos  a expresar os seus sentimentos e recoñecelos.

Aquí déixovos o vídeo por se o queredes ver.

Como podedes observar, o conto repasa todas as emocións que poden sentir os nen@s: ledicia, medo, rabia, tristeza e por último calma.

Ánimo! Tod@s xuntos ao arco da vella voltaremos ver brilar!

Lecturas para o Día do libro

Recursos Aula PT     

#Díadolibro
Creado por Mari_AulaPT

Para este día tan especial como é o Día do libro, tráiovos unhas lecturas en lingua galega, tanto para infantil como primaria, da editorial Baía Edicións.

Anímovos a que leades algún dos libros que vos corresponden por idade, xa que neles hai moitas aventuras fantásticas que vos transportarán a mundos inimaxinables!

Para nen@s de 4 a 6 anos, "Un día de treboada" de María de Mata e Mariana Riestra (ilustracións). Un conto sobre igualdade.
Sinopse: Unha terrible treboada amenaza unha aldea galega. A intervención da nai de Aldara axudará a salvar a situación e provocará importantes cambios nas relacións entre os seus habitantes.
Pincha aquí ou na imaxe para descargar o libro.

Para nen@s de 7 a 9 anos, "O tempo do revés" de María Solar, Arturo Iglesias e Xosé Tomás (ilustracións).
Sinopse: Serán Ana e Aldara capaces de falarse se non teñen en conta que a Terra é redonda? Un enredo divertido coa física da Terra como fondo.

Pincha aquí ou na imaxe para descargar o libro.

A partir de 10 anos, Moko de Cristina Sáez Cazallas e Fernando Juárez (ilustracións).
Sinopse: Moko chegou ao noso planeta en 1998 para alertar aos habitantes da Terra dos perigos da destrución da capa de ozono e vivir unha  aventura inesquecible.

Pincha aquí ou na imaxe para descargar o libro.

Quen ten un libro ten un tesouro!

Día do libro 23-04-2020

Recursos Aula PT

#Díadolibro

Creado por Mari_Aula PT

Feliz día do libro! 📖

Ímolo celebrar con esta bonita canción "Xiqui Xoque, Fiú Fiú", que así é como fai a locomotora máis marchosa de María Fumaça,  que nos fala das emocionantes historias que podemos atopar nos libros.

Animádevos a cantar!

Contos e cancións para infantil

Recursos Aula
#euquedonacasa

Creado por Mari_AulaPT

Bos días!

No día de hoxe tráiovos un contiño e unhas cancións para @s máis pequen@s. É unha boa forma de divertirse e aprender ao mesmo tempo.

Espero que vos gusten!

O conto dos animais da sabana

A canción dos números 

A canción do galo canta

Un elefante se balanceaba

Cadernos de matemáticas para educación primaria

Recursos Aula PT          

#euquedonacasa
Creado por Mari_AulaPT

Os recursos que hoxe vos presento no blog serven para mellorar a competencia matemática d@s rapaces. Desde aquí podedes acceder a varias fichas, tanto de cálculo mental como de resolución de problemas matemáticos para reforzar as operacións básicas nos diferentes niveis educativos.

Recursos matemáticos:

1️⃣ O taboleiro das operacións de Orientación Andújar.

Con este taboleiro podedes practicar as operacións básicas a través do xogo. Consiste en tirar o dado e resolver a operación que corresponda (suma, resta, multiplicación ou división) mediante o cálculo mental e de forma divertida.

Pincha aquí ou na imaxe para descargar o taboleiro.

2️⃣ Caderno de matemáticas 1° de primaria de RECURSOSEP.
Este caderno reúne un total de 30 fichas moi recomendables para reforzar os contidos do 1° curso de primaria. Os exercicios son moi variados: numeración,; unidades, deceas e centeas;  sumas e restas sinxelas,; agrupamentos; resolución de problemas, entre outros.

Pincha aquí ou na imaxe para descargar o caderno.

3️⃣ Caderno de resolución de problemas 2° de primaria de Orientación Andújar.

Este caderno consta de varias fichas, para que @s nen@s de 2° curso reforcen as sumas e restas mediante a resolución de problemas básicos. 

Pincha aquí ou na imaxe para descargar o caderno.

4️⃣ Caderno de resolución de problemas 3° e 4° de primaria de RECURSOSEP.

Aquí podedes atopar fichas para mellorar e practicar as divisións por unha e dúas cifras, a través da resolución de problemas matemáticos.

Pincha aquí ou na imaxe para descargar o caderno.

5️⃣ Caderno de problemas para 5° de primaria de Orientación Andújar.

Este caderno é moi completo, xa que recopila unha variada colección de fichas con problemas de todo tipo para rapaces e rapazas de 5° de primaria, tamén é moi útil para que @s nen@s de 6° afiancen a competencia matemática.

Pincha aquí ou na imaxe para descargar o caderno.

6️⃣ Caderno de problemas para 6° de primaria de Orientación Andújar.

Como complemento ao caderno anterior comparto este outro para o alumnado de 6° curso. A resolución de problemas permite mellorar o razoamento lóxico-matemático e a capacidade para resolver unha situación que se pode dar no día a día, polo tanto é unha habilidade necesaria a desenvolver polo alumnado.

Pincha aquí ou na imaxe para descargar o caderno.

Estes cadernos son totalmente voluntarios, son recursos opcionais por se queredes afianzar a vosa competencia matemática.
Moito ánimo!!

Fichas de números para educación infantil

Recursos Aula PT        

#euquedonacasa
Creado por Mari_AulaPT

Hoxe tráiovos unha colección de cadernos de matemáticas de edufichas.com, para a etapa de educación infantil. Son moi visuais, e os máis pequenos poderán reforzar os números e aprenderán a contar con estas divertidas tarefas.

📒Primeiro caderno
    Traballamos os número do 1 ao 20.

En cada ficha aparece un número e unha serie de debuxos que representan a cantidade indicada. Ademais ten unhas líneas de caligrafía para aprender a escribir ben cada número.

Pincha aquí ou no caderno para descargar as fichas de números.

📒 Segundo caderno
     Aprendemos a contar.

Conxunto de fichas con debuxos para contar e indicar a cantidade representada, relacionar grupo con número e rodear os debuxos por grupos.
Pincha aquí ou no caderno para descargar as fichas para aprender a contar.

Espero que vos sexa de utilidade!!

Banco de lecturas para 5° e 6° de E.P.

Recursos Aula PT              

#euquedonacasa
Creado por Mari_AulaPT

Continuamos co banco de lecturas comprensivas, pero esta vez para o alumnado de quinto e sexto de educación primaria.

Trátase dunha extensa colección de fichas de lectura, onde se abordan distintas temáticas, todas elas con preguntas que permiten mellorar a habilidade e comprensión lectora do alumnado.

Podedes pinchar aquí ou na imaxe para descargar o banco de lecturas e elixir a que máis vos guste.